بھارتی فورسز کے مظالم اجاگر کرنے پر صحافیوں کو گرفتار کیاجاتا ہے اور تشدد کا نشانہ بنایا جاتاہے
عالمی یوم آزادیِ صحافت کے حوالے سے خصوصی رپورٹ
سری نگر(ساوتھ ایشین وائر) مقبوضہ کشمیر دنیا کے ان مقامات میں شامل ہے جہاں پریس اور میڈیا سے وابستہ افراد انتہائی مشکل حالات میں اپنے پیشہ وارانہ فرائض انجام دے رہے ہیں۔
آزادی صحافت کے عالمی دن کے موقع پر جاری ہونے والی ساوتھ ایشین وائر کی رپورٹ کے مطابق کشمیریوں کی جدوجہد آزادی میں اپنے پیشہ وارانہ فرائض کی ادائیگی کے دوران 1990ء سے اب تک19صحافی جاں بحق ہوچکے ہیں۔ جاںبحق ہونے والے صحافیوں میں شبیر احمد ڈار ،مشتاق علی ، غلام محمد لون ، غلام رسول آزاد، محمد شعبان وکیل ، پرویز محمد سلطان، ایک خاتون صحافی آسیہ جیلانی ،شجاعت بخاری ، علی محمد مہاجن، سید غلام نبی،الطاف احمد فکتو،سیدن شفیع ، طارق احمد ، عبدالماجد بٹ اورجاوید احمد میر شامل ہیں۔
علاقے میںبھارتی فوجیوں اور پولیس اہلکاروں کی طرف سے صحافیوں پر تشدد ‘اغوائ’ قاتلانہ حملے اور انہیںجان سے ماردینے کی دھمکیاں دیناروزکا معمول بن چکا ہے۔القمرآن لائن کے مطابق بھارتی تحقیقاتی ادارے این آئی اے نے اگست2018 میں کشمیری صحافی آصف سلطان اور 4مارچ2017 کو ایک کشمیری فوٹو جرنلسٹ کامران یوسف کو پلوامہ میں ایک احتجاجی مظاہرے کے دوران بھارتی فورسز کے مظالم اجاگر کرنے پر گرفتار کرلیا ۔ بعدازاں کامران کو نئی دلی منتقل کردیاگیا۔ کامران کو گزشتہ سال 14مار چ کو نئی دلی کی تہاڑ جیل سے رہا کیاگیا ۔گزشتہ برس غیر قانونی طورپر نظربند کشمیری صحافی آصف سلطان کو دنیا بھرمیں آزادی صحافت کو لاحق دس فوری خطرات کی کی فہرست میں شامل کیاگیا ۔
گذشتہ برس اگست 2019میں کشمیر کو انڈین وفاق میں پوری طرح ضم کیے جانے کے بعد قدغنوں اور حد بندیوں کا جو سلسلہ شروع کیا گیا تھا وہ ابھی جاری ہی تھا کہ مار چ 2020میں کورونا لاک ڈاون شروع ہو گیا۔ مقبوضہ کشمیر کی بین الاقوامی نیوز جریدے گلوبل پریس جرنل کی ایک رپورٹر ریحانہ مقبول کے مطابق اس وبائی امراض کے ساتھ ساتھ سیکیورٹی فورسز کی دھمکیوں اور معلومات تک رسائی نہ ہونے کی وجہ سے یہ صحافیوں کے لئے مشکل دور ہے۔ گذشتہ ڈیڑھ برس کے دوران متعدد صحافیوں کی تھانوں میں طلبی، گرفتاری اور مقدموں کی وجہ سے پہلے ہی یہاں کی صحافتی برادری عجیب الجھن کا شکار ہے۔
5 اگست 2019 سے اب تک کم سے کم ایک درجن صحافیوں کو اپنے پیشہ ورانہ کام کے لئے یا تو ہراساں کیا گیا یا جسمانی طور پر حملہ کیا گیا۔
14 اگست 2019 کو عرفان امین ملک کو پولیس نے ترال میں واقع ان کی رہائش گاہ سے اٹھایا اور بغیر کسی وجہ کے حراست میں لیا۔ 31 اگست 2019 کو ، گوہر گیلانی ، کو دہلی کے ہوائی اڈے پر حکام نے روک لیا اور بیرون ملک پرواز سے روک دیا گیا۔یکم ستمبر 2019 کو پیرزادہ عاشق کو پولیس اسٹیشن طلب کیا گیا اور دبائو ڈالا گیا تاکہ وہ اپنی کہانی کے ذرائع کو ظاہر کرے۔ ایک آزاد صحافی مزمل مٹو کو اس وقت پیٹا گیا جب وہ سری نگر کے پرانے شہر میں کاوجا بازار کے علاقے میں مذہبی اجتماع کی کوریج کر رہے تھے۔17 دسمبر 2019 کو ، پرنٹ کے اذان جاوید اور نیوز کلیک کے انیس زرگر پر پولیس نے اس وقت جسمانی حملہ کیا جب وہ سری نگر میں احتجاج کی کوریج کررہے تھے۔ 30 نومبر 2019 کو ، اکنامک ٹائمز کے حکیم عرفان اور انڈین ایکسپریس کے بشارت مسعود کو پولیس نے طلب کیا اور ان کی خبروں کے ذرائع کے بارے میں پوچھ گچھ کی۔23 دسمبر 2019 کو ، ہندواڑہ میں بشارت مسعود اور اسکرول کے صفوت زرگر کو پولیس نے روک لیا ، جب وہ ایک اسائنمنٹ پر تھے۔ انہیں ایس پی ہندواڑہ کے دفتر لے جاکر پوچھ گچھ کی گئی۔
8 فروری 2020 کو ، آوٹ لک کے نصیر گنائی اور ہارون نبی کو پولیس نے طلب کیا اور جے اینڈ کے لبریشن فرنٹ کے جاری کردہ بیان پر رپورٹنگ کے بارے میں پوچھ گچھ کی۔16 فروری 2020 کو ، نیوز کلیک کے کامران یوسف کو ٹویٹر استعمال کرنے کے شبے میں پولیس نے اس کے گھر سے اٹھایا۔
0 اپریل 2020 کو، ایک مقامی انگریزی روزنامہ ، کشمیر آبزرور کے ساتھ کام کرنے والے صحافی مشتاق احمد کو جموں و کشمیر پولیس نے اس وقت مارا پیٹا اور ان کے خلاف مقدمہ درج کرلیا جب وہ شمالی کشمیر کے بانڈی پورہ ضلع میں اپنی ذمہ داری نبھا رہے تھے۔ پولیس لاک اپ میں اسے دو دن تک حراست میں رکھا گیا ۔20 اپریل 2020میں جموں و کشمیر پولیس نے مسرت زہرہ اور پیرزادہ عاشق کے بعد معروف ٹی وی پینلسٹ اور صحافی گوہر گیلانی کے خلاف ایف آئی آر درج کی ۔
پچھلے سال ، اے ایف پی کے سینئر فوٹو جرنلسٹ توصیف مصطفی کو سب انسپکٹر عہدے کے ایک پولیس اہلکار نے اس وقت حبس بے جا میں رکھا جب وہ سرینگر ہوائی اڈے پر سید علی گیلانی کی رہائش گاہ کے باہر علیحدگی پسند رہنماوں کی کوریج کررہے تھے۔ حملے کے دوران دیگر صحافیوں – فاروق جاوید اور شعیب مسعودی ، شیخ عمر اور عمران نصار بھی زخمی ہوئے۔
8 اکتوبر سے 30 اکتوبر ، 2018 کے درمیان جموں و کشمیر میں صحافیوں کو پابندیوں اور حملوں کے متعدد واقعات کا سامنا کرنا پڑا۔ 2018 میں سیکیورٹی فورسز نے فوٹو جرنلسٹوں کو شمالی کشمیر کے ضلع کپواڑہ میں بلدیاتی انتخابات کی کوریج سے روک دیا۔ 11 اکتوبر ، 2018 کو ، جموں و کشمیر پولیس نے ریاست اور قومی میڈیا کے ایک درجن صحافیوں کو ضلع کپواڑہ میں شہید عسکریت پسند منان وانی کی نماز جنازہ کی کوریج سے روک دیا۔17 اکتوبر ، 2018 کو ، جموں و کشمیر پولیس نے سری نگر میں شدت پسندوں کے خلاف فوجی آپریشن کی کوریج کرنے والے کم از کم چھ صحافیوں کو زدوکوب کیا۔ 19 اکتوبر ، 2018 کو ، کشمیر والہ کے ساتھ تین صحافیوں۔ ثاقب مغلو ، قیصر اندراب ، اور بھٹ برہان کو ان کے دفتر کے باہر مارا پیٹا گیا ۔30 اکتوبر ، 2018 کو ایک ویڈیو گرافر ، اعزاز احمد ڈار ، کو سیکیورٹی فورسز نے پیلٹ گن سے زخمی کردیا۔
گذشتہ برس ایک رپورٹ شائع کرنے کی پاداش میں تھانے میں طلب کیے گئے ہفت روزہ آوٹ لک کے نامہ نگار نصیر گنائی کہتے ہیں کہ ہمیں سمجھ نہیں آتا کہ ہم وائرس سے بچیں یا ایف آئی آر سے۔ان کا کہنا تھا کہ پہلے انٹرنیٹ پر پابندی سے صحافیوں کا کام مشکل بنا دیا گیا اور اب سوشل میڈیا پوسٹس کو وطن دشمن قرار دیا جا رہا ہے۔
ماجد مقبول ، کشمیر سے تعلق رکھنے والے ایک سینئر صحافی ، نے کہا صحافی خاص طور پر 5 اگست کے بعد انتہائی سخت حالات میں کام کر رہے ہیں ، حکام نے ہمارے بہت سے ساتھیوں کو ہراساں کیا جس کامقصد کشمیری صحافیوں کو ڈرانے ، پریس کی آزادی کو دبانے اور انھیں اپنے فرائض کی انجام دہی سے روکنے کے لئے راہ میں حائل رکاوٹیں ڈالنا ہے ۔
– 1992 سے اب تک بھارت میں 37 صحافی اپنے کام کی وجہ سے مارے گئے ہیں اور مجموعی طور پر 1992 سے 2018 کے درمیان بھارت میں 87 سے زیادہ صحافی اور میڈیا کارکن مارے جاچکے ہیں۔ ورلڈ پریس فریڈم انڈیکس میں 180 ممالک میں اس وقت بھارت 36 ویں نمبر پر ہے۔
آئی ایف جے نے کشمیر میں انٹرنیٹ پر پابندی کے خلاف مضبوط یکجہتی کا مظاہرہ کیا۔ جنوبی ایشیا سے تعلق رکھنے والی 37 قومی میڈیا یونینوں کے ساتھ ساتھ عالمی میڈیا کی وکالت اور اظہار رائے کی آزادی کی تنظیموں ، جس میں انٹرنیشنل فیڈریشن آف جرنلسٹس (IFJ) اور جنوبی ایشیا میڈیا یکجہتی نیٹ ورک، بین الاقوامی آزادی اظہار رائے نیٹ ورک (IFEX) سے وابستہ SAMSN) ممبران نے ہندوستان کے زیر انتظام کشمیر میں جاری مواصلات کی ناکہ بندی کو ختم کرنے کا مطالبہ کیا۔
پاکستان کے ایک صحافی مطیع اللہ جان کے مطابق مقبوضہ کشمیر کی صورتحال سے متعلق عالمی ضمیر کو جھنجھوڑنے کیلئے پاکستانی حکومت اور میڈیا دونوں ہی اپنا کردار ادا کرنے میں کسی واضح اور ٹھوس حکمت عملی سے محروم ہیں۔ ہماری کشمیر کے متعلق میڈیا پالیسی سرکاری ٹی وی چینلوں پراپیگنڈا خبروں اور کشمیری زبان کے چند خبرناموں کی خود فریبی سے آج تک باہر ہی نہیں نکل سکی ۔ آج بھی سرکاری پی ٹی وی کے خبرناموں میں کشمیر میڈیا سروس کی خبروں میں بھارتی فوج کے ساتھ مجاہدین کی جھڑپوں اور ان میں کشمیر مجاہدین کی شہادتوں کے اعداد شمار ایک روایتی خبر بن چکے ہیں ۔ساوتھ ایشین وائر کے مطابق انہوں نے ایک مضمون میں کہا کہ سرکاری خبررساں ایجنسی بھی کشمیر کے نام سے خبروں کا ڈیسک تو بنادیتی ہے مگر اسکے پاس بھی کشمیر میڈیا سروس کی جاری کردہ خبریں چلانے اور اعلی سرکاری عہدیداروں کے کشمیر سے متعلق بیانات چلانے کے علاوہ بیچنے کو کچھ خاص نہیں۔
ان کا کہنا تھاکہ امریکہ اور یورپ کے عالمی نشریاتی اداروں اور اخبارات میں بھارتی نژاد صحافیوں کی ایک بڑی تعداد موجود ہے جو بھارتی مفادات کا ڈھکے چھپے انداز میں تحفظ کرتی ہے۔ پاکستان میں ہماری حکومتوں نے جو پیسہ بین الاقوامی لابنگ فرم کی خدمات اور عالمی میڈیا میں اشتہار بازی پر لاکھوں ڈالروں کی صورت خرچ کیا اگر وہی پیسہ پاکستان کی یونیورسٹیوں اور انکے شعبہ جات صحافت پر لگایا جاتا تو آج پاکستانی نژاد صحافیوں کی بھی ایک بڑی تعداد عالمی اخبارات و نشریاتی اداروں میں پاکستانی مفادات اور مقبوضہ کشمیر کی جدوجہد کی کم از کم درست عکاسی تو کر رہی ہوتی۔
۔۔۔۔۔۔۔۔۔۔۔۔۔۔۔۔۔۔
مقبوضہ کشمیر میں30سال میں جاں بحق ہونے والی صحافیوں کی تفصیل
سری نگر(ساوتھ ایشین وائر) آزادی صحافت کے عالمی دن (3مئی )کے موقع پر جاری ہونے والی ساوتھ ایشین وائر کی رپورٹ کے مطابق کشمیریوں کی جدوجہد آزادی میں اپنے پیشہ وارانہ فرائض کی ادائیگی کے دوران 1990ء سے اب تک19صحافی جاں بحق ہوچکے ہیں۔جس کی تفصیل درج ذیل ہے۔
19 فروری 1990 کو ، سری نگر کے علاقے بیمنہ میں دور درشن ٹیلی ویژن اسٹیشن کی ڈائریکٹر لسا کول کو عسکریت پسندوں نے گولی مار کر ہلاک کردیا ۔
یکم مارچ 1990 کو ، پی این ہینڈو ، اسسٹنٹ ڈائریکٹر انفارمیشن کو سری نگر کے بالگرڈن میں واقع ان کے دفتر کے اندر گولی مار کر ہلاک کردیا گیا۔
23 اپریل ، 1991 کو ، الصفا کے ایڈیٹر ان چیف محمد شعبان وکیل کومشتبہ افراد نے قتل کردیا۔
29 ستمبر 1992 ، اردو اخبارات ہمدرد اور روزنامہ آفتاب کے نامور خطاط علی محمد مہاجن ، کو اپنے بیٹے اعجاز کے ساتھ نیم فوجی دستوں نے ہلاک کردیا۔
16 اکتوبر 1992 ، سید غلام نبی ، جوائنٹ ڈائریکٹر انفارمیشن ، کو چار دن کے لئے اغوا کیا گیا اور اسیر رکھا گیا۔ 20 اکتوبر کو ان کی تشدد زدہ نعش ملی۔
3 اکتوبر 1993 کو ریڈیو کشمیر کے نیوز ریڈر محمد شفیع بھٹ کو قتل کردیا گیا
29 اگست 1994 کو آزاد صحافی غلام محمد لون کونقاب پوش بندوق برداروں کے ایک گروپ نے مارا ڈالا۔
ستمبر 10 ، 1995 کو ، ایجنسی فرانس پریس اور ایشین نیوز انٹرنیشنل کے فوٹوگرافر ، مشتاق علی ، نے سری نگر کے پریس انکلیو میں واقع ایک دفتر میں ایک پیکیج کھولا۔ پارسل پھٹ گیا ، اور ان کا تین دن بعد اس کا انتقال ہوگیا۔ خیال کیا جاتا ہے کہ پارسل بم کا نشانہ بی بی سی کے ساتھ سینئر صحافی ، یوسف جمیل تھے
10 اپریل 1996 کو ، اردو زبان کے روزنامہ ریحنومہ کشمیر اور انگریزی زبان کے ہفتہ وار سیفرن ٹائمز کے ایڈیٹر غلام رسول شیخ دریائے کشمیر کے دریائے جہلم میں مردہ پائے گئے۔ ۔کنبہ کے افراد نے الزام لگایا کہ شیخ کو نیم فوجی گروپ نے اغوا کیا تھا ۔
یکم جنوری 1997 کو سری نگر میں واقع دوردرشن ٹیلی ویژن اسٹیشن کے ایک اینکر ، الطاف احمد فکتو کو عسکریت پسندوں نے گولی مار کر ہلاک کردیا ۔
اسی سال 16 مارچ 1997 کو ایک آزاد صحافی سیدن شفیع کو سری نگر میں اپنے محافظ کے ساتھ گولی مار کر ہلاک کردیا گیا ۔ ہفتہ وار نیوز پروگرام “کشمیر فائل” کے لئے ، ہندوستانی سرکاری ٹیلی ویژن نیٹ ورک کے دوردرشن ٹی وی کے نامہ نگار ، شفیع اور سری نگر میں دو بندوق برداروں نے گھات لگا کر گھات لگا کر گولی مار دی۔
8 اپریل 1997 کو ، نجی ٹیلی ویژن کے پروڈیوسر طارق احمد ہلاک ہوگئے۔
10 اگست ، 2000 کو سری نگر کے ریذیڈنسی روڈ پر دستی بم حملے ہندوستان ٹائمز کے فوٹو جرنلسٹ ، پردیپ بھاٹیا جان بحق ہوگئے
ایک مقامی نیوز ایجنسی کے ایڈیٹر پرواز محمد سلطان کو نامعلوم بندوق برداروں نے 2003 میں ہلاک کردیا ۔ سلطان سری نگر میں مقیم ایک آزاد نیوز وائر سروس ، نیوز اینڈ فیچر الائنس (این ایف اے اے)کے ایڈیٹرتھے۔
خطہ کے محکمہ اطلاعات کے سینئر رپورٹر عبدالماجد بھٹ 9 مئی 2004 کو جموں کے شہر ڈوڈہ میں ایک دھماکے میں ہلاک ہوگئے ۔
آسیہ جیلانی 20 اپریل 2004 کو کپواڑہ میں بارودی سرنگ کے دھماکے میں ہلاک ہوگئیں۔ جیلانی ایک آزاد خیال صحافی تھیںاور انسانی حقوق کیایک کارکن تھیں۔وہ کولیشن آف سول سوسائٹی (جے کے سی سی ایس)کے ساتھ کام کرتی تھیں۔دھماکے میں گاڑی کا ڈرائیور بھی جان بحق ہوگیا۔
روزنامہ ایکسلسیئر کے فوٹو جرنلسٹ اور اس وقت کے چیف کیمرہ مین ، اشوک سودھی کو 11 مئی ، 2008 کو جموں کے سامبا ضلع میں قتلکردیا گیا ۔
13 اگست ، 2008 کو ، 35 سالہ جاوید احمد میر کو باغ مہتاب کے قریب مظاہرے کی کوریج کرتے ہوئے گولی مار کر قتل کردیا گیا۔ کیمرہ مین ہونے کے علاوہ وہ ایک ٹیکسٹائل مل میں کام کرتے تھے۔
14 جون ، 2018 کو ، رائزنگ کشمیر کے ایڈیٹر 50 سالہ شجاعت بخاری کو سرینگر کے پریس انکلیو میں اپنے دفتر کے باہر موٹرسائیکل سوار بندوق برداروں نے قریب سے فائرنگ کی ، شدید زخمی حالت میں بخاری ہسپتال میں دم توڑ گئے۔ اس حملے میں ان کے دو محافظ بھی مارے گئے ۔
۔۔۔۔۔۔۔۔۔۔۔۔۔۔۔۔
عالمی یوم آزادیِ صحافت
مقبوضہ کشمیر :5اگست 2019سے اب تک گرفتار ہونے والے صحافیوں اور مقدمات کی تفصیل
سری نگر(ساوتھ ایشین وائر) گذشتہ برس اگست 2019میں کشمیر کو انڈین وفاق میں پوری طرح ضم کیے جانے کے بعد قدغنوں اور حد بندیوں کا جو سلسلہ شروع کیا گیا تھا وہ ابھی جاری ہی تھا کہ مار چ 2020میں کورونا لاک ڈاون شروع ہو گیا۔ مقبوضہ کشمیر کی بین الاقوامی نیوز جریدے گلوبل پریس جرنل کی ایک رپورٹر ریحانہ مقبول کے مطابق اس وبائی امراض کے ساتھ ساتھ سیکیورٹی فورسز کی دھمکیوں اور معلومات تک رسائی نہ ہونے کی وجہ سے یہ صحافیوں کے لئے مشکل دور ہے۔ گذشتہ ڈیڑھ برس کے دوران متعدد صحافیوں کی تھانوں میں طلبی، گرفتاری اور مقدموں کی وجہ سے پہلے ہی یہاں کی صحافتی برادری عجیب الجھن کا شکار ہے۔
5 اگست 2019 سے اب تک کم سے کم ایک درجن صحافیوں کو اپنے پیشہ ورانہ کام کے لئے یا تو ہراساں کیا گیا یاان پر جسمانی طور پر حملہ کیا گیا۔
14 اگست 2019 کو عرفان امین ملک کو پولیس نے ترال میں واقع ان کی رہائش گاہ سے اٹھایا اور بغیر کسی وجہ کے حراست میں لیا۔ 31
اگست 2019 کو ، گوہر گیلانی ، کو دہلی کے ہوائی اڈے پر حکام نے روک لیا اور بیرون ملک پرواز سے روک دیا گیا۔
یکم ستمبر 2019 کو پیرزادہ عاشق کو پولیس اسٹیشن طلب کیا گیا اور دبائو ڈالا گیا تاکہ وہ اپنی کہانی کے ذرائع کو ظاہر کرے۔
ایک آزاد صحافی مزمل متو کو اس وقت پیٹا گیا جب وہ سری نگر کے پرانے شہر میں خواجہ بازار کے علاقے میں مذہبی اجتماع کی کوریج کر رہے تھے۔
17 دسمبر 2019 کو ، پرنٹ کے اذان جاوید اور نیوز کلک کے انیس زرگر پر پولیس نے اس وقت جسمانی حملہ کیا جب وہ سری نگر میں احتجاج کی کوریج کررہے تھے۔
30 نومبر 2019 کو ، اکنامک ٹائمز کے حکیم عرفان اور انڈین ایکسپریس کے بشارت مسعود کو پولیس نے طلب کیا اور ان کی خبروں کے ذرائع کے بارے میں پوچھ گچھ کی۔
23 دسمبر 2019 کو ، ہندواڑہ میں بشارت مسعود اور اسکرول کے صفوت زرگر کو پولیس نے روک لیا ، جب وہ ایک اسائنمنٹ پر تھے۔ انہیں ایس پی ہندواڑہ کے دفتر لے جاکر پوچھ گچھ کی گئی۔
8 فروری 2020 کو ، آوٹ لک کے نصیر گنائی اور ہارون نبی کو پولیس نے طلب کیا اور جے اینڈ کے لبریشن فرنٹ کے جاری کردہ بیان پر رپورٹنگ کے بارے میں پوچھ گچھ کی۔
16 فروری 2020 کو ، نیوز کلک کے کامران یوسف کو ٹویٹر استعمال کرنے کے شبے میں پولیس نے اس کے گھر سے اٹھایا۔
اپریل 2020 میں ہی ایک مقامی انگریزی روزنامہ ، کشمیر آبزرور کے ساتھ کام کرنے والے صحافی مشتاق احمد کو جموں و کشمیر پولیس نے اس وقت مارا پیٹا اور ان کے خلاف مقدمہ درج کرلیا جب وہ شمالی کشمیر کے بانڈی پورہ ضلع میں اپنی ذمہ داری نبھا رہے تھے۔ پولیس لاک اپ میں انہیں دو دن تک حراست میں رکھا گیا ۔
20 اپریل 2020میں جموں و کشمیر پولیس نے مسرت زہرہ اور پیرزادہ عاشق کے بعد معروف ٹی وی پینلسٹ اور صحافی گوہر گیلانی کے خلاف ایف آئی آر درج کی ۔
۔۔۔۔۔۔۔۔۔۔۔۔۔۔۔۔۔
بھارت: پانچ برس میں صحافیوں پر 198حملے، 40 صحافی ہلاک ہوئے
نئی دہلی(ساوتھ ایشین وائر)جمہوریت کا چوتھا ستون کہلانے والے صحافت کے شعبے سے وابستہ افراد پر 2014 سے 2019 کے درمیان 198سنگین حملے ہوئے۔ صرف رواں سال میں ان حملوں کی تعداد 36 رہی جب کہ شہریت ترمیمی قانون کے خلاف جاری مظاہروں کی رپورٹنگ کے دوران صحافیوں پر اب تک چھ حملے ہوچکے ہیں۔ساوتھ ایشین وائر کے مطابق صحافیوں پر ہونے والے حملوں کے لیے سرکاری ایجنسیوں، سیاسی جماعتوں سے وابستہ افراد، مذہبی جماعتوں سے عقیدت رکھنے والوں، طلبہ گروپوں، جرائم پیشہ گروہوں اور مقامی مافیا کو ذمہ دار ٹھہرایا گیا ہے۔
جنوبی ایشیائی ممالک میں میڈیا کو سب سے زیادہ آزادی بھوٹان میں حاصل ہے اور اس برس کے پریس فریڈم انڈکس میں بھوٹان 94 ویں نمبر پر رہا ہے۔ گزشتہ برس کے انڈکس میں بھوٹان 84 ویں نمبر پر تھا۔
کسی واقعہ کی رپورٹنگ کے دوران بھی صحافیوں پر حملے کے واقعات سامنے آئے ہیں۔ اس کے علاوہ صحافی کئی مرتبہ غیر قانونی سرگرمیوں میں ملوث مافیا یا مجرمانہ امیج والے رہنماں کے نشانے پر بھی آجاتے ہیں۔ کئی طرح کے مافیا صحافیوں پر حملے کررہے ہیں۔ مثلا ریت مافیا، غیر قانونی کاروبار کرنے والے مافیا وغیرہ۔ کئی مرتبہ تاجر بھی اپنی بدعنوانی کے خلاف ہونے والی رپورٹنگ سے ناراض ہوکر صحافی پر حملہ کرا دیتے ہیں۔
پچھلے پانچ برسوں کے دوران جن 40 صحافیوں کو ہلاک کیا گیا، ان میں 21 کے سلسلے میں اس بات کی تصدیق ہوچکی ہے کہ انہیں ان کی پیشہ ورانہ ذمہ داریوں کی ادائیگی کی وجہ سے ہلاک کیا گیا۔
بعض اوقات صحافی اپنے اوپر ہونے والے حملوں کی رپورٹ پولیس میں درج کرانے سے گھبراتے ہیں۔ اس کی ایک بڑی وجہ یہ ہے کہ وہ جس میڈیا ادارے سے وابستہ ہوتے ہیں، وہ ادارہ ان کی قانونی مدد کرنے کے لیے تیار نہیں ہوتا ہے۔
یہ بات بھی قابل ذکر ہے کہ شہریت ترمیمی قانون کے خلاف جاری مظاہروں کی رپورٹنگ کے دوران بھی متعدد صحافیوں کو زیادتیوں کا شکار ہونا پڑا۔ ساوتھ ایشین وائر کے مطابق20 دسمبر کو کرناٹک میں مظاہروں کی رپورٹنگ کے لیے کیرالا سے آئے ساتھ ٹی وی جرنلسٹوں کو پولیس نے سات گھنٹے تک حراست میں رکھا۔ ان صحافیوں کا کہنا ہے کہ ان کے ساتھ ‘مجرموں جیسا سلوک کیا گیا۔ کیرالا کے وزیر اعلی کی مداخلت کے بعد ہی ان صحافیوں کو رہائی مل سکی تھی۔ اسی طرح لکھنو میں مظاہروں کے دوران صحافی عمر رشید کو دو گھنٹے تک تھانے میں رکھا گیا اور ان سے غیر ضروری سوالات پوچھے گئے۔
صحافیوں کی تنظیم ‘ایڈیٹرز گلڈ آف انڈیا نے صحافیوں کے ساتھ ہونے والی زیادتی کی سخت مذمت کرتے ہوئے کہا ہے کہ اس طرح کے اقدامات ‘جمہوریت کا گلا گھونٹنے کے مترادف ہیں۔ساوتھ ایشین وائر کے مطابق صحافیوں کی بین الاقوامی تنظیم ‘رپورٹرز ودآٹ بارڈرز کا کہنا ہے کہ بھارت میں صحافیوں کی حالت بہت اچھی نہیں ہے۔ دنیا میں پریس کی آزادی کے انڈکس میں سن 2019 میں بھارت 180ملکوں میں 140ویں نمبر پر تھا۔
