سڈنی (ٹریبون رپورٹ)؛ پاکستان کے شہر پشاور کے ایک اسکول میں ۱۴۸ افراد جن میں ۱۳۱ طلبا کی
دہشتگردی کے نتیجے میں شہادت پر ایثالِ ثواب اور شہدا کو یاد کرنے کے لئے آج یعنی جمعرات ۱۸ دسمبر کو لیلر پارک کمیونٹی سینڑ سڈنی میں قران خوانی اور تقاریر کا انتظام کیا گیا ۔ اسِ تقریب میں سڈنی میں پاکستان کے کونسل جنرل عبدالعزیز اوقیلی اور کونسل شفات احمد کلیم نے شرکت کی۔ پروگرام میں مولانا افتخار احمد ہزاروی اور مولانا حافظ رضا نے اپنے خطاب میں اسلام میں دہشتگردی کے خلاف تعلیم ، امن اور بھائی چارے کی اہمیت پر روشنی ڈالی۔ جبکہ پاکستان آسٹریلیا فیڈریشن کے صدر اور ٹریبون انٹرنیشنل کے چیف ایڈیٹر سید عتیق الحسن نے پاکستان کے موجودہ نازک حالات اور اس پر آسٹریلیا میں بسنے والے پاکستانیوں کی ذمہ داری پر روشنی ڈالی۔
تقریب میں مرد حضرات کے ساتھ خواتین نے بھی شرکت کی اور تلاوت کلام سے ہال کو رونق بخشی۔
